KUṆḌALINĪ STAVAḤ
Sadgurunāth Mahārāj ki Jay
1. Janmoddhāra-nirīkṣaṇīha taruṇī
vedādi-bījādimā,
Nityaṁ cetasi bhāvyate bhuvi kadā
sadvākya-sañcāriṇī;
Māṁ pātu priya-dāsa-bhāvaka-padaṁ
saṅghātaye śrīdharā,
Dhātri! Tvaṁ svayam ādideva-vanitā
dīnātidīnaṁ paśum.
2. Raktābhāmṛta-candrikā lipimayī
sarpākṛtir nidritā,
Jāgrat-kūrma-samāśritā bhagavati
tvaṁ māṁ samālokaya;
Māṁsodgandha-kugandha-doṣa-jaḍitaṁ
vedādi-kāryānvitaṁ,
Svalpa-svāmala-candra-koṭi-kiraṇair
nityaṁ śarīraṁ kuru.
3. Siddhārthī nija-doṣavit sthalagatir
vyājīyate vidyayā,
Kuṇḍalyā kula-mārga-mukta-nagarī-
māyā-kumārgaḥ śriyā;
Yadyevaṁ bhajati prabhāta-samaye
madhyāhna-kāle'thavā,
Nityaṁ yaḥ kula-kuṇḍalī-japa-padām-
bhojam sa siddho bhavet.
4. Vāyvākāśa-caturdale'tivimale
vāñcha-phalonmūlake,
Nityaṁ samprati nitya-deha-ghaṭitā
sāṅketitā bhāvitā;
Vidyā kuṇḍala-māninī sva-jananī
māyā kriyā bhāvyate,
Yaistaiḥ siddha-kulodbhavaiḥ praṇatibhiḥ
sat-stotrakaiḥ śambhubhiḥ.
5. Dhātā-śaṅkara-mohinī tribhuvana-
chāyā-paṭodgāminī,
Saṁsārādi-mahā-sukha-praharaṇī
tatra sthitā yoginī;
Sarva-granthi-vibhedinī sva-bhujagā
sukṣmātisukṣmā parā,
Brahma-jñāna-vinodinī kula-kuṭī
vyāghātinī bhāvyate.
6. Vande śrī-kula-kuṇḍaliṁ trivalibhiḥ
sāṅgaiḥ svayambhū-priyāṁ,
Prāviṣṭāmbara-māracitta-capalāṁ
bālā-balā-niṣkalām;
Yā devī paribhāti veda-vadanā
sambhāvanī tāpinī,
Iṣṭānāṁ śirasi svayambhu-vanitāṁ
sambhāvayāmi kriyām.
7. Vāṇī-koṭi-mṛdaṅga-nāda-madanā-
niśreṇi-koṭi-dhvaniḥ,
Prāṇeśī rasa-rāśi-mūla-kamalol-
lāsaika-pūrṇānanā;
Āṣāḍhodbhava-megha-rāji-janita-
dhvāntānana-sthāyinī,
Mātā sā paripātu sūkṣma-pathagā
māṁ yogināṁ śaṅkarī.
8. Tvām āśritya narā vrajanti sahasā
vaikuṇṭha-kailāsayor,
Ānandaika-vilāsinīṁ śaśiśatā-
nandānanāṁ kāraṇām;
Mātaḥ śrī-kula-kuṇḍalī-priya-kale!
kālī-kaloddīpane!
Tatsthānaṁ praṇamāmi bhadra-vanite!
māmuddhara tvaṁ paśum.
ॐ
Kuṇḍalī-śakti-mārgasthaḥ
stotrāṣṭaka-mahā-phalam,
Yaḥ paṭhet prātarutthāya
sa yogī bhavati dhruvam.
Kṣaṇādeva hi pāṭhena
kavinātho bhaved iha,
Pavitraḥ kuṇḍalī-yogī
brahma-līno bhaven mahān.
Iti te kathitaṁ nātha!
kuṇḍalī-komalaṁ stavam,
Etat stotra-prasādena
deveṣu guru-gīṣpatiḥ.
Sarve devāḥ siddhi-yutā
asyāḥ stotra-prasādataḥ,
Dvi-parārdham cirañjīvī
brahmā sarva-suresvaraḥ.
Sadgurunāth Mahārāj ki Jay
